Data Loading...

Historia Tio Daou Ballpark Zapateer Flipbook PDF

Historia Tio Daou Ballpark Zapateer update 6 februari 2019

243 Views
178 Downloads
FLIP PDF 1.85MB

Historia di Noord Zapateer Ballpark pa Tio Daou Ballpark update 06022019

1978 Promé Torneo Pre Temporada. ‘Spring-training’ organisá pa Santa Rosa Indians na tereno Noord Zapateer. Baseball Toernooi Santa Rosa Indians, ku weganan 10.30, 13.00 i 15.30. Volksontwikkeling Sport en Cultuur Landhuis Hell a pone dos beker disponibel. 1979 Marlboro, Blue Hawks i Santa Rosa a gana riba e promé fecha totalisando 9 bataso di kuater skina. Curiel a gana miéntras “Kabouter” a pèrdè, “Win” Leuteria ku dos homerun, unu di “Jacki” i “Nato”. “Bloki” a gana “Wea” a pèrdè Sambo i Melaan ku homerun. Jubi a gana i Ricardo Rojas a pèrdè. Homerun di Omri Wilson. Blue Hawks kontra Santa Maria a keda empatá na 10. Kuadrangular di “Nato”. Ku homerun di “Rafi” i “Lochi” Scorpions a gana Amalie 10-6. Alpha a konta ku e homerun di Leroy Williams pa a gana di Santa Maria 7-4. Tres wikènt di mart 11, 18, 25. Final a bai entre Alpha i Santa Rosa ku e último aki ganando ku anotashon di 7-5. Indjannan a skore 5 kareda den di seis ining. Partido ku a konosé homerun di Milto, Colo i na otrobanda Eduard Rosalia.

.1980 Royal Scorpions kampion torneo pre-temporada 1980 ku viktoria di 7-4. Fitzroy Mariano a gana i “Sha” Moesker a pèrd’é. E ekipo di kas a hunga parti mainta tambe ganando 8-3 di Groot Kwartier Stars 1981 e pre temporada di beisbòl a hunga su partidonan riba dianan 8, 18 i 22 mart 1982 Wild Cats a dal e indjannan un palu! Anke nan a duna palabra, tabata na altura i hasta ku e skema a bira konosí. E wega pa inougurá e parke bou di nòmber di Tio Daou ku tabata programa entre Royal Scorpions i Wild Cats no a tuma logá. Pa saka kara di nan propio torneo e indjannan anke nan tabata programa pa hunga mas lat riba e dia a enfrentá e ekipo skorpion. A batisá e parke komo Tio Daou Ballpark i a yama e kopa rotativo tambe na nòmber di e gran dirigente. Cats a ‘zeg af’ argumentando ku nan tin vários pelotero leshoná ademas vários otro tabata partisipando den final di ‘softball fastpitch’. Despues di a yena e buraku di promé wega mainta Indians a hunga atrobe kontra................................

Di parke Noord Zapateer pa Ballpark Tio Daou. Febrüari 1982 tabata e di sinku torneo di pretemporada organisá pa Sta Rosa Indians. Siendo pionero di e ekipo i komo muestra di apresio, e organisashon entrante e aña aki a duna e torneo nòmber di kopa rotativo Tio Daou. Tribuna i iluminashon ta parti di e plannan pa futuro pa hasi e parke un fasilidat ku ta kumpli ku eksigensianan internashonal di beisbòl sr. Ricardo Elhage a deklará.

1983 tabata e di 7 aña konsekutivo di e ‘spring-training’ lokal. A kuminsá tempran 6, 13, 20, 27 i final 4 maart. Tur shete ekipo, Alpha Zelbo, Something Special, Plaza Casino, Miller High Life, Cobras Banco di Caribe, Mr Baseball MCB, Santa Rosa Indians, a partisipá. A tene e rueda di prensa na Fort Nassau. Tabata e intenshon pa un ekipo di Springfield College tambe hunga den e torneo loke no a kristalisá. Diputado, e tempu ei, Lucille George Wout a lansa e prome bala. A pone tribuna portátil, Victor Elhage a fungi komo direktor di e torneo, CUSCA Hubert Flemming a atendé ku direkshon di e partidonan i a probechá di e weganan pa hasi algun eksamen práktiko. 1984 Santa Rosa a gana e torneo ‘wissel beker’ Tio Daou. 1985 Ku eksepshon di Alpha Zelbo kampion Kòrsou 1982/1983/1984 tur ekipo a partisipá. Alpha no a partisipá debí ku nan kier a pone mas énfasis riba preparashon di nan propio manera antisipando kambionan den nan konstelashon. A start riba 3 mart hungando 4 wikènt, manera

semper ku 2 ora time-limit i wega finalisimo di 9 ining kompletu. Diputado Henki Gummares a lansa promé bala.

For di aña 1986 Mensing & Co a kuminsá spònser e pre temporada di beisbòl organisá pa Santa Rosa Indians. E ekipo patrosiná pa Variante a gana su propio torneo pa di dos aña konsekutivo. Den final nan a sali viktorioso riba Santa Maria Petromar ku anotashon di 6-0. Riba kaminda pa final nan a dal Wild Cats di forma monstruoso 20-5. Den e partido di semifinal e indjannan i Orsendo Clemencia a soportá un bataso grandi riba promé lansamentu di e partido for di bate di Rudolph Lake. Pero finalmente Sta Rosa ta gana 7-3.

1986 tabata e aña den kual Sentro Deportivo Kòrsou (S.D.K) kier a hasi un ‘her indeling’ di e ‘playing-field’ na kumbiniensa di futbòl, den sierto sentido “molestiando” e ‘lay-out’ beisbolistiko. Ala fin ala fan, S.D.K a bira mas difísil pa homerun, mas fásil pa tripel. 1987 Sta Maria Pirates ABC Construction. Kampion Torneo Tio Daou. 1989 Sorpresa, Blue Hawks, Alpha, Royal Scorpions, Wild Cats, Sta. Rosa, Sta. Maria, Groot Kwartier.

1990 e parke a haña tribuna ku mas o ménos 3000 logá pa sinta, 2 dugout nobo ku tabata di ‘betonblokken’, parkeerplaats..... diputadonan George Hueck, Haime Fransisca mas aleu Verona i Sede Antia tabata persona i instansianan instrumental den e desaroyo i logro aki. E kontratista Ron Angela tabata esun enkargá i ku a sòru pa e dak riba e tribuna. Pa loke ta e torneo Groot Kwartier Stars kampion riba Sta Maria Pirates dia 19 mart ku score di 6—2. Kampionato a kuminsá mas lat dia 7 aprel den S.D.K. *Na 1990, pa promé biaha a hunga partidonan di temporada regular di beisbòl AA na Tio Daou Ballpark. Tyronne Christopher ta unu ku a gana su promé wega den AA na TDBP. Aktuando di relevo kontra Sta Maria Pirates 5-4. Arthur Bonevacia a pèrdè. Playoff final pa promé biaha na Tio Daou Ballpark 1990. Royal Scorpions ku “Boy Boy” amigu di “Lonte” i “Chati” na laira apoyando e super ekipo di Scorpions kontra Santa Rosa. 1991 kampion Royal Scorpions di forma invikto, ta trata di e 17 Torneo Pre Temporada. Den final skorpioennan a gana 15-11 di e piratanan, despues di tabata dilanti 11-1. Frank Maria di 4-4 i homerun kilometriko di Arthur Davelaar pero hitnan klave ora e partido a pèrta for di batenan di Mervin Villareal i Orlando Nicolina a korona e pre temporada. E dia anterior den partido semi-final Frank Maria a bai di 3-3 kontra Santa Rosa. ‘He was on fire’.

Playoff 1990 Sin muchu palabra ReSpet= ROYAL SCORPIONS Hopi palabra ta bochincha, simplemente saka e R i e S for di RESPET. **Presisamente 1991 pa promé biaha a start kampionato temporada regular fuera di S.D.K. E promé wega a bai entre Royal Scorpions MCB i Sta Rosa Speedstick. Den mesun rosea a hunga e promé buèlta na nòmber di e gran Wili Pieters Mr Baseball riba petishon i gastunan di su eks ekipo. Numeritonan final Scorpions komo ganadó Rignald Martina 7—11--1 i Wendell Elisabeth komo pèrdèdó 6—8---5

1993 kampion Groot Kwartier Stars. Denominá komo e ‘Dream Team’ 93 e muchanan di Cesar Martell kende por a konta ku Antonio Keller komo manager a pone un konstelashon di adkisishonnan nobo riba tereno manera ta e kaso ku Orlando Nicolina, Swendley Kleinmoedig, Orsendo Clemencia, Deron Clara, Fabiani Orcadia, Glennsig Polonius, Arlison Rodrigues,

Marnix Mathilda, Peter van der Veer. E elenco a gana Scorpions den e partido inougural di e pre temporada i nòkout e scorpionnan den e wega di final. E kuartireñonan a pone drama ku nan ‘bat-girl’, propio scorer i brassband. No papia mes di e fanatikada. “Chati” Constancia a deklará ku nunka el a mira e parke asina yeeeen di fanatikada.

Memories TDBP

1994 Ole Ole situá na Saliña tabata esenario kaminda Beheer Stichting Tio Daou Ballpark den kombinashon ku Honkbal Organisatie Santa Rosa Indians a tene e rueda pa prensa pa anunsiá inisio di e di 19 spring training lokal di nos beisbòl. Inisiando 27 februari i ku e final 20 mart. Eddy Daou a lansa promé bala. Di 9 aña di patrosinio di Heineken ku partisipashon rekòrt: Santa Rosa, Santa Maria, Wild Cats, Royal Scorpions, Amstel, Groot Kwartier, Lagun i Blue Hawks. Na 1995 tur ekipo a partisipá ku Mahuma Tigers tumando logá di Blue Hawks ku a hunga den klase A despues di degradá fin 1994. **E último kuartal di 1995 e parke na Noord Zapateer a haña lus. Istelly “Teli” Pikerie komo diputado a splika bon kla, ku gobièrnu NO ta faboresiendo e ekipo di pariba pero a bini ta traha pa desaroyo di deporte en general. Ku plakanan di Sport Fonds, gobièrnu a bini ta finansiá hopi proyekto deportivo i ponementu di lus na Tio Daou Ballpark ta unu di nan. El a deklará. Den prensa e mandatario a hañ’é ta splika i a trese pruebanan pa laga kosnan bon kla. A bini dilanti ku ta for di 19 novèmber 1993 e stichting a hasi su petishon.

Aparte di esei e organisashon riba nan mes forsa, a konstruí muraya di 2 meter 40 rondó di e tereno pone ‘backstop’, ‘dugouts’, tribunanan kubrí ku dak, tualèt, ‘opslagruimte’, bar i kushina. Sra. Pikerie referiendo na e totalidat di e parke a papia di fasilidatnan adekuá. No solamente beisboleronan pero e parke ta sirbi tambe e bario Sta Rosa en general i hubentut en partikular inkluso skolnan manera e diputado di Partido Nashonal di Pueblo a duna di konosé den un komunikado pa prensa. Indjannan mayó a bisa ku asina a pone tur hende su kabes na ‘waterpas’. Foto for di memorabilia di Eduard “Gordo” Cannister: *Andruw Jones, Ricardo Elhage i Andre Jones. **Edmund “Momon” Martina risibiendo su trofeo serka Ruben Phillips *** “Gordo” Cannister ku un ‘big smile’ huntu ku otro grandi, “Chikitin” Gregorius

KIKO A PASA ENTRE 1996 TE KU 2001 e organisashon di Santa Rosa Indians, SI SA.

Na aña 1996 pa promé biaha a hunga partidonan di beisbòl bou di lus na Tio Daou Ballpark. Por konsiderá huntu ku e hecho ku a hunga promé partidonan di beisbòl riba

yerba na 2012 i ku a ofisialisá e nòmber di e parke na 1982, e tres aktividatnan di mas importante i grandi na Tio Daou Bòlpark. E parke a haña lus. Tambe e pre temporada di beisbòl a pèrdè interes tantu serka e ekiponan, peloteronan komo e organisashon. Loke a kore ku e gran fanatikada ku tabata asistí i presensia e weganan. Tabatin añanan sin ‘springtraining’ pero tambe añanan den kual e promé buèlta tabata wòrdu konsiderá komo tal pa mantené òf trata di mantené e idea bibu. E seriedat tabata ‘zoek’. Peloteronan, ni sikiera establesé pa no papia mes di estrea, tabata den ròl di fanátiko den tribuna na momento ku nan ekipo ta hungando. Ekiponan hasiendo uso di hungadónan di Hubenil, klase A òf te hasta firma komo profeshonal. Ku 1001 argumento i rason, pero poko poko pero sigur “asesinando” e loke e torneo tabata para pe, brinda, ofresé i tabatin komo meta. Simplemente komienso di fin. Danki na dirigentenan i NO e peloteronan. Falta di òrdu. Muchu hende na kabes i poko dirigente. Peloteronan tabata sali di of durante wega pa bai hasi otro deporte. Sea restando nèt nuebe òf ku e nesesidat di hinka un hende ku ya a sali for di wega pa mantené nuebe. Mas ku klaro ku e ‘springtraining’ aki tabata bezig ta ‘bloed dood’.

Apesar di tur esfuerso i insentivo di e organisashon organisadó ‘richting’ e peloteronan. Probablemente ta algu ku a kue esnan positivo i optimista for di base. No a sorprendé ningun di esnan sinsero i realístiko ku 2012 tabata e último. E bèrdat amargo! OPOSITE FIELD POWER: AÑA 1995 Orlando Nicolina v.s Gregory Gustina. AÑA 2001 Jair Josepha v.s Orsendo Clemencia.

Tio Daou Bòlpark Tio Daou Bòlpark

STRAIGHT AWAY, DEEP....... DEAD CENTER........ I MEAN HIGH AND DEEEEP Ta un realidat ku masha hopi pelotero ta traha nan propio historia. Probechando di falta di dokumentashon òf historial verídiko. Tin ta hasié pa ta parti di e kombersashon. Otronan ta hasié debí ku nan kier pa nan wòrdu kòrdá pa algu. Prueba, ta esei ta konta. “You can not talk more than once, if you can’t back it up. Yes, its all about facts”.

‘Yes, I mean’ over di e MONSTER, sih e MURAYA bèrdè ku hel ei. No tin hopi.... Floyd Garnett, Fabiani Orcadia, Marlon Paz, Pedro Quero, Ramsey Koeyers......sí ta sigurrr.... 2002

Algun akontesimentu importante/interesante temporada 2002 • •

Randy Kirindongo dia 30 yüni ta konektá un bataso over di fence, na momento ku e ekipo Sta. Maria apelá e ta wòrdu dekretá out. Loke mester a bira un Homerun a bira un doblete. Den e mesun partido, su ruman Dave ta konektá Homerun sinembargo nan no por a empatá e rekòrt establesé, 19 yüni 1980. Ta último (úniko) biaha ku nos a registrá tal

•

•

• • •

hazaña. Remigio Martina a konektá di Homerun den mesun partido ku su ruman Shurman. Rumannan Martina a konektá ‘Homerun back to back’. Di 4 buèlta: Playing-manager Humphrey Granger ta drenta komo picher di relevo, e tersera base “Friendje” Cicilia ta relevá Granger, apesar di esaki tòg e DH Dave Kirindongo a keda den wega, tuma turno i a konektá di hit tambe. Mènedjer Anasagasti a lag’é bai numa.... Den e partido tambe di kuater buèlta entre Sta. Maria i Sta. Rosa algu similar ta hera di sosodé ora ku e segunda base Pedro Reynoso tuma e trabou over riba montikulo for di “Nene” Martis. Renato da Costa Gomes kanando pa bai home-plate ta wòrdu yamá korektamente dor di mènedjer “Mompi” van Gurp. Den e kasonan aki e batido designa ta kai. Esun ku a drenta na logá di e picher mester bati.......... 4 ougùstùs Renato Anasagasti siendo picher ta dal hómerùn kontra Pedro Reynoso miéntras ku Reynoso tambe ta konektá di hómerùn kontra Anasagasti. Pedro Reynoso dia 10 ougùstùs aktuando komo segunda base pa e ekipo Pirata ta poncha na links i na rechts, na ámbos okashon e ta embasa pa wild-pitch. Den lokual por wòrdu konsiderá e mihó partido di beisbòl temporada 2002, e lansado Pedro Reynoso ta gana e duelo di picheo ku skore mínimo di 1-0 Andley Simmons, Dave Kirindongo i Liriano a tira tres, tres i dos inen respektivamente.

• •

•

Un roletaso pa tersera, a kibra un kadena di shete ponche siguí ku Froilan Grotestam picher di Groot Kwartier Stars tabatin riba e batidónan di Real Athletics partido di kuater buèlta dia 11 di ougùstùs. Un dia historiko pa beisbòl 18 ougùstùs, Stanley Meyer, otro ora komisario/coach di Groot Kwartier ku su sinkuenta i piku aña di edat ta patruya den leftfield, mainta Kwartier versus Blue Hawks. Atardi den e partido Real Athletics kontra Sta. Maria, Jubi Evertsz tambe ku sinkuenta i piku aña ta mira aktuashon komo picher. E loke por wòrdu konsiderá e hugada di mas chistoso e temporada aki : Partido Royal Scorpions versus Real Athletics, di kuater buèlta. Ku Rafael Josefa Jr.koriendo na primera i un out Ryan Ogenia ta konektá un flai fásil pa leftfield i ta kore pasa Rafaelito dobla segunda, ora e tiru regresá kuadro nan ta kue den kore kore entre segunda i tersera............asina ei nan ta logra e di tres out.

2003

Informenan pre-temporada 2003 •

Jefferdion Polonius a konektá un hómerùn dramátiko pa Curaçao Yankees gana di Groot Kwartier Stars ku skore di 3-2 djasabra i djadumingu el a bolbe konektá otro kuadrangular, e biaha aki kontra Renato Anasagasti.

• • • •

• • • •

Froilan Grotestam a tira bon pa GKS miéntras ku pa CY Ronni Inesia no a permití ningun koredó embasa den tres inen di relevo. GKS apesar di tur su atkisishonnan no a lusi ‘at all’ den e Torneo Tio Daou 2003. No pa e hecho di a sali pèrdè su dos weganan pero tambe vários otro motibu ku tabata bisto pa tur hende. Don Lake ta hasi falta na wega, te ainda nos no a mir’é e aña aki. Ernesto Marks, Norwin Moesquit, Fitsgerald Semper, Stanley Palm, Videon Sloop, Remick Bernadina, Fabiani Orcadio, Egbert Polonius, Ruben Snoyl no a mira aktuashon ainda. Den e grupo aki tin ku a bai arbitrahe, otro pone riba “waivers”, agente liber i otro ku segun su kontrakt no ta hunga den “spring-training”. (Pfft) Eldred “Jolly” Juliana a entrená ku Blue Hawks siman pasa pero na momento di wega e tabata den tribuna. Segun “Jolly” e no tin karson e kolo ku Blue Hawks mester a bisti. (Chiew) Selekshon di beisbòl Hubenil tin un tremendo infield enkabesá pa e short-stop Hailey Statia. Tras di plato Randy Kirindongo. (Wel) Great mira Orsendo Clemensia, e picher number unu den nos beisbòl aktual, dunando e hóben pichernan di nos selekshon Hubenil sierto instrukshon. E kuerpo tékniko ta konta tambe ku yudansa di Roque Bernadina.

• •

• •

•

Fichi Flemming tabata realmente kontentu pa manera ku e selekshonadonan a saka nan bate djasabra. “Siman pasa nos no a bati pero awe nos a dal e bala hopi bon, ku outoridat” e máksimo entrenadó a bisa Mundu Deportivo. E selekshon ta batiendo eksklusivamente ku bate di palu ku mira riba e kampeonato Panamerikano ku di ....yüli pa ....mester tuma lugá aki na Kòrsou. Ku mira riba e kompetensia nos lo duna abo lesadó e oportunidat di poko poko sera konosí ku e selekshonadonan. Sta. Rosa Indians en konekshon ku nan selebrashon 50 aña tin algun flanèl na benta. Preis, 15 florin ta trata di un flanèl di bon kalidat, un tremendo rekuerdo di e ekipo mas bieu den nos beisbòl. Un nota sumamente positivo ta e asistensia kresiente di mayornan na weganan di AA ta parse ku hopi biaha despues ku e mucha pasa Senior League mayornan ta habri man laga nan bai pa kolmo nos no tin un sistema beisbolistiko ku ta kontribuí masha den e mucha su formashon. Ku mayornan mas envolví i interesá den desaroyo di nan yunan manera tur esnan ku nos a mira na tereno durante weganan pre-temporada realmente nos ta riba bon kaminda. Ferdinand Rosalina tabatin e komentario di mas grasioso den wikènt : El a bisa “Ora bo ta bati ku bate palu, bo tin asta miedu di swing,......... pa bo no kibra e bate”.

Sint Maarten 2003/2004 kampion weganan inter insular, na Kòrsou i na Tio Daou Ballpark

Aña 2007 Sta Maria ta titulá kampion di Kòrsou ganando di Sta Rosa na T.D.B.P. 10 aña despues Jonathan Schoop den Big League hungando pa Baltimore Orioles den Liga Grandi na 2017 ta un kandidato pa MVP Liga Amerikana. Ku mas di 20 HR, mas di 100 RBI i average riba 300 ku un defensa sólido. “Abo por a pensa esei”. Un piesa klave komo Kampeon Mundial Williamsport Little League na 2004.

2008 RESULTADONAN spring training béisbòl AA DI DJADUMINGU 9 mart 2008 Royal Scorpions versus Sta. Maria Pirates

E piratanan a gana ku skore di 5-1. “Good Old” Didi Gregorius a tira seis ínen miéntras e “hitting machine” Luisgardo Alvares a bati di 4-4. Sta maria a konektá 12 hit. Royal Scorpions a konektá 4 hit ku Sherwenne Antersijn komo e mihó na bate di 4-2. Groot Kwartier versus Sta. Rosa E brasanan hóben di Kwartier Kevin Kelly (3 ínen), Jordan Lucas (2 ínen), Ruderly Manuel (2 ínen) a dominá e ofensiva indjan pero at keda korto pèrdiendo den un gran partido ku skore di 2 pa 1. Ta trata di e mihó partido te na e momentunan aki di e torneo pre-temporada. Jurendy Girigori a tira kuater entrada den gran forma permitiendo solamente dos hit (4),Sherman Esclodina (2 + un tèrsio). Wega salba pa Amir Daou ku a tira 1 ínen i dos tèrsio. Numeritonan final, pa Stars 1 kareda--5 hit-2 eror. Robert Anastasia i Madison Ortega a bai di 1-1. Pa e ganadónan 2--7--2. Mihó na bate Marvin Lodowika i Shairon Isenia 4-2. 2010 E refuerso di Groot Kwartier Stars, Miguel Angel Aguero Santana a graba su nòmber pa semper na e parke Zapateer, T.D.B.P lansando un ‘No hit No run’.

WILLEMSTAD--Miguel Angel Aguero Santana ta esun mas chikí entre su dies ruman hòmbernan. E ta penúltimo for di diesinku ruman en total. Denter di poko lo e kumpli un luna aki na Kòrsou komo refuerso di e ekipo di Groot Kwartier Stars Mangusa. Kasi tres siman ya tabata sufisiente pa e picher marka su nòmber pa semper den historia di beisbòl lokal. Djasabra 28 ougùstùs último Miguel Angel a lansa un wega sin hit ni kareda kontra e ekipo di Curaçao Yankees. Mester bai mas ku 15 aña bek den nos beisbòl pa haña un wega similar. Ta e promé for di dia ku a re-introdusi bate di palu. Ta e promé lansa pa un picher refuerso pa loke ta era moderno di nos beisbòl. Historiadónan a traha ‘over-time’ sin por keda kla, en buska di e último ‘No Hit No Run’ prinsipalmente na parke aki: Tio Daou Ballpark. “Lipo” ta splika tokante 250.000 heldu For di Korant Verídiko, FB Kòrsou –“Lipo Elhage no por pidi ni haña niun regalo di 250.000 florin serka Sedreko. Tur plaka ku sali for di Sedreko pa finansiá un proyekto, mester di aprobashon di e direktiva di

Sedreko. Si Sedreko no aprobá e petishon di e 250.000 florin ku Tio Daou Ball Park a hasi, niun hende no por kambia e desishon akí.” Esaki ta loke Lipo Elhage a bisa VERÍDIKO, relashoná ku loke tabatin skibí riba e promé página di e korant Ultimo Noticia di djasabra 9 di yanüari último. Riba e promé página di e korant Ultimo Noticia por a lesa: “250.000 florin di regalo di Lipo pa Lipo.” Mas aleu riba página 2 di e mesun korant tabatin entre otro skibí: “Aparentemente si bo ta ruman di Promé Minister di Antia, tur porta ta habri pa bo. Bo por asta pidi bo mes regala bo mes 250.000 florin i Tanchi ta sòru pa su marionetanan den gobièrnu di Kòrsou sòru pa bo hañ’é.” E relato ta menshoná tambe, ku Gobièrnu di Kòrsou a disidí di hasi e regalo di 250.000 florin na Lipo Elhage su fundashon, i ku tambe Elhage su fundashon lo haña 800.000 florin ku Ulanda a destiná pa traha un Sentro Deportivo pa Hubentut di bándariba, i otro regalo di 300.000 florin di direktor di Refineria Kòrsou, ku tambe ta famia di Lipo Elhage. Relashoná ku e artíkulo akí, i tambe den kuadro di e kolumna Kontra Palabra, VERÍDIKO a tuma kontakto ku Lipo Elhage pa e duna su banda di medaya. E kolumna akí ta pa duna tur hende ku ta den notisia e oportunidat pa splika kiko ta bèrdat di loke a sali publiká den medionan di komunikashon. Den e relato di Ultimo Noticia, Elhage su komentario no a aparesé,

loke ta pone ku e relato tin un banda so. Esaki ta e promé edishon den e kolumna Kontra Palabra di VERÍDIKO. Lipo Elhage a splika ku tempu ku a introdusí SEI, Sedreko a entregá sinku proyekto pa haña finansiamentu. Un di nan tabata entre otro un kompleho deportivo na bándariba. “Bándariba no a haña tereno pa por a konstruí e lokalidat i pues no por a kumpli ku e eksigensianan di SEI. Entretantu ketu bai tur skol na bándariba ta usa Tio Daou Bòlpark grátis”. Elhage a sigui bisa, ku pa tur e montantenan menshoná tin un splikashon. “Dia a inougurá e vèlt di Frank Curiel Ball Park, Refineria di Kòrsou a primintí ku e próksimo fèlt lo ta pariba di brùg. Ta p’esei e 300.000 di Refineria di Kòrsou pa pone yerba riba e vèlt. I pa loke ta trata e 800.000 florin, ta un petishon Fundashon T.D.B.P a hasi via Usona. A pone diferente eksigensia ku mester a kumpli promé ku e por disponé di e montante. Un di e kondishonnan tabata, ku e fundashon mester a sòru pa un parti di e kapital for di fondonan personal. Esaki e fundashon a hasi tambe. Finalmente e fundashon a traha un karta i a bai un reunion di Sedreko kaminda a entregá un petishon pa un suma di 250.000 florin. Lamentablemente un hende di direktiva di Sedreko a lèk esaki, loke a kousa ku e petishon a bira algu pa hasi polítika kuné. Mi tin ku bisa ku énfasis, ku si direktiva di Sedreko no bai di akuerdo ku e petishon, niun hende por fòrsa e direktiva pa hasi esaki. Si direktiva di Sedreko bisa nò, ta nò.” El Hage a remarká tambe ku 250.000 florin pa un proyekto grandi asina ta normal, konsiderando 7,6 mion

ku Sedreko ta haña di Gobièrnu tur aña. “E loke Fundashon Tio Daou a pidi ta ñaña pa un proyekto di 1,5 mion. Apesar a parti e montante riba dos aña. Ta tur organisashon di deporte ta pidi Sedreko finansiamentu. I ta p’esei Fundashon Sedreko tei tambe.” Elhage a splika finalmente, ku Fundashon Tio Daou a lanta pa manehá e stadion di Tio Daou. “Dor ku for di 1975 mi hendenan, tempu di Sta. Rosa Indians, a kuminsá kuné den Sta. Rosa, nos a sigui traha riba dje. Ta nos famia mes, ku esfuerso grandi pa yuda beisbòl, a drai e fèlt akí semper. Ta e úniko ku tin pa beisbòl AA. No tin niun benefisio pa famia Elhage. A usa e fèlt semper pa tur skol. E ta pa Febeko organisá Little League, pa skolnan, tur organisashon, NABAFE, KNBSB i tur hungadó di beisbòl profeshonal ku ta bin trein na Kòrsou. Nan tur a bisa ku e yerba ta altamente nesesario pa beisbòl sigui krese. E yerba ku ta bin ta pa komunidat. E sèn di Usona ta bai pa e kontratista. E Fundashon mes tambe ta hinka su mes sèn aden. Mi ta simplemente den e Fundashon. Dia mi sali otro hende ta drenta. E fasilidat ta keda di pueblo. Tio Daou Ball Park a demostrá ku e ta un kos di pueblo. E tereno ta ‘huurgrond’ pa deporte.” VERÍDIKO a kombersá tambe ku Diputado Marilyn Alcalá Wallé, i el a konfirmá ku Gobièrnu a bai di akuerdo pa pone yerba artifisial den e stadion. “Ta un suma ku SEI a pone disponibel i ku a bin na remarke pa e proyekto. Mi tin ku bisa ku a reservá plaka pa traha un sentro deportivo na bándariba, pero no por a hasi e tereno destiná pa esaki ‘bouwrijp’ pa diferente motibu. Ta e ora ei Sedreko, i no Lipo Elhage, a proponé pa usa e plaka pa pone yerba

den e stadion pa asina tòg por a sigui ku e desaroyo di beisbòl. Sedreko a entregá su petishon i Bestuurscollege a aprobá esei. Gobièrnu no tin nada di aber ku e 250.000 ku Fundashon Tio Daou Ball Park a pidi Sedreko. Esei ta henteramente un otro asuntu entre Sedreko i Fundashon Tio Daou.” 2011 Torneo pre temporada Tio Daou 2011 lo wòrdu dediká na Mirto Martina. WILLEMSTAD—Sta. Rosa Indians tur aña ta dediká e torneo na un persona òf pelotero ku a hasi su mes meritorio pa e organisashon. Aña 2011 no ta otro. E aña aki a toka na e baluarte indjan, Mirto Martina. “Pa ami ta un honor hopi grandi, mi ta hopi gradesido na e organisashon pa a skohe mi persona” tabata su promé palabranan ku un bos poko emoshoná. E hòmber di poder a splika mas aleu ku na momentu ku el a haña e ‘call’ e no tabatin ningun problema pa aseptá. “Ta mi hendenan di tur tempu” el a bisa ku un sonrisa grandi. Anke te ainda hopi ta yam’é Milto, su nòmber berdadero ta Mirto. El a kuminsá entrená i a hunga pa dos aña ku e ekipo di Kas Kora Lions. Ora e tim a kibra el a kontinuá su karera. Despues ku Ponce a promové di klase A pa AA Ponce a bira su promé ekipo pa loke ta AA. Martina ta konta ku su debut na 1968 tabata kontra Chino Franses i Blue Hawks. Despues di a risibí kuater bala malu i bai primera den su promé turno, su siguiente turno el a konektá di homerun. Pa motibu di trabou Mirto Martina a bai traha na St. Maarten pa algun aña. Ora el a regresá Kòrsou ya Ponce no tabata eksistí i el a pasa pa hunga pa Sta. Rosa Indians. Algu ku

tabata su deseo for di prinsipio di su karera. Huntu ku e gran Wili Pieters (d.f.m) el a lidera e departamentu di homerun na 1974, ámbos ku 6 bataso di kuater skina konektá. Den su añanan mas hóben el a hunga tantu den kuadro komo den outfield. Ku e indjannan si el a mira akshon mas komo tersera base i kècher. E tempu den Sta. Rosa tabata unu hopi dushi e pelotero a splika: “Un grupo chikitu pero hopi dushi ku Colo Mari, Edi Daou, Tuyu, Jozef, Lipo, Wilfred Alberto, Abuco Fransisca, Hino Simmons, Marcel Martis entre otro”. Hopi ta rekordá Mirto pa su homerunnan kilometriko di ‘foul’ den stadion di rif (aktual stadion Johnny Vrutaal). E mes ta bisa ku pe, ta gewoon ‘foulball’ nan tabata. “Anke kon leu nan ta, ta ‘foul’ tòg, sigur si umpire kanta ‘foul’. Un problema mi tabatin, ku mi ta swing tempran. Pero hopi di e batasonan aki ta último momentu nan ta hala. Nos no tabata hunga ku umpire den leftfield. Ta esun di tersera ta para wak despues di un ratu bisa ‘foul’”. Mirto ta hopi sigur ku algun a pasa den ‘fair’ i yega pafó den ‘foul’. “Pero ya, nan a kantanan ‘foul’.” Pa loke ta esnan ku a pasa i wòrdu kanta tambe komo tal, e honronero ta kòrda algun hopi memorabel. “Mi ta kòrda esnan ku mi a konektá kontra J&B. Eseinan tabata di bida òf morto”. E temporada ei Sta Rosa Indians a hera di degradá. E pelotero su deseo semper tabata di mira un mucha di nos hunga den liga grandi. Aparte di ta disfrutando di esei último añanan. E próksimo dianan lo e disfrutá aun mas ku e honor ku el a haña aki. Ban pone e beisbòl aki bek kaminda e tabata.

WILLEMSTAD—Phillip “Lipo” Elhage ku un kara yen di optimismo a hasi un apelashon na tur presente: “Ban pone e beisbòl aki bek kaminda e tabata”. Elhage a gradisí pa e sosten di spònsernan Ennia, Giro Bank, Restorant Green House, serbes Budweiser i Fundashon Sedreko. Mas aleu e tabatin bon palabra pa e asistensia di prensa. Na e ekiponan el a bisa ku e aña aki ta di wak si otro gai ta kanta òf si ta keda meskos. Loke a kousa basta harimentu den e sala. “E kompetensia tin komo meta pa e peloteronan por kuminsá prepará pa drenta kampionato” e dirigente indjan a splika. Pa loke ta reglanan: tur wega ku eksepshon di e final lo hunga ku un límite di tempu di dos ora i mei. E organisashon ta spera ku ekiponan lo bini nechi uniformá. Anke ku Elhage a ekspresá komprenshon pa e hecho ku awor ekiponan ta den proseso di buska i traha unifòrm nobo, den mesun rosea el a bisa di no ta spera di mira diferente kolo di pèchi riba tereno. “Ekiponan lo hunga segun nan lista di pelotero miéntras ku e peloteronan ku ta agente liber lo mester keda hunga pa e ekipo ku nan a hunga pe promé. Pa loke ta wega empatá, lo hunga dos ining èkstra despues di e ‘time-limit’ i despues nos ta wak” e organisashon a kontesta den e sekshon pa hasi pregunta. Un di e spònsernan sr. Garcia di Giro Bank a bisa ku a oumentá e premionan pa ekipo ku ta den forma efektivo kompará ku aña pasa. Ennia su representante a bisa di ta kere den Sta. Rosa, e torneo i beisbòl di Kòrsou. Serbes Budweiser lo sòru pa vários premio i un premio grandi pa e fanatikada. Restorant Green House a start e motor beisbolistiko pa 2011 poniendo tur hende sinti nan mes na kas miéntras ku Sedreko tambe lo aportá di su parti pa un bon ‘warming-up tournament’.

Weganan riba e promé fecha: WILLEMSTAD--Despues ku kada ekipo a saka nan lèter a yega na e respektivo partidonan ku ta e promé wega Wild Cats kontra Curaçao Yankees, seguidamente Groot Kwartier kontra Royal Scorpions i komo di tres wega Sta Maria versus Sta Rosa. E ‘spring-traing’ lokal ta kuminsá dia 27 aprel i finalisá dia 11 mei 2011. 2011 Phillip “Lipo” Elhage: “Beisbòl ta grita pa un parke”. WILLEMSTAD-- Mundu Deportivo djasabra último a bai tira un bista na Tio Daou Bòlpark. Na mes momento nos a kombersá ku e eks pelotero i eks mènedjer indjan Lipo Elhage. E ta un di e personanan outorisá i ku por papia ku outoridat ora ta kombersá di e parke di beisbòl na Santa Rosa, Tio Daou Bòlpark. E parke ta forma parti di un área ku tin vários posibilidat pa práktika deporte. Beisbòl di mucha, beisbòl adulto, futbòl, sòftbòl maskulino i femenino. Sta. Rosa Indians a keda funda na febrüari 1953 ta e organisashon mas aña den beisbòl AA.

Historia: Lipo a konta ku kaminda tin e parkenan di Sabana, Sta. Rosa White Sox i Tio Daou tabata mondi. E organisashonnan a haña e respektivo terenonan mas o ménos den añanan setenta komienso di ochenta bou di Bestuurscollege di Lucile Wout. E motibu tabata ku tur e timnan no por a entrená riba e vèlt di Victory Boys so. Futbòl, beisbòl, sòftbòl maskulino i femenino. Último añanan Syborg i Tomahawk tambe a bini aserka komo terenonan kaminda hóbennan ta entrená i hunga weganan di kampionato di beisbòl ‘little league’. “No tin nada di luho na e totalidat di vèltnan pero nan ta wòrdu uzá pa mucha, skolnan i hasta veterano” Lipo Elhage a deklará.

Desaroyo: “Tempu ku beisbòl tabata bai bon i ku ekiponan tabata haña reseta e tim indjan no tabata biaha sino hinka e sèn den e parke. Den dékada setenta nos a kuminsá ku e torneo Tio Daou. E parke tabata sera gewoon na waya. Mi ta kòrda kon nos tabata usa un konvoi di Shon Ma Bonifacio komo bar i kushina pa bende kos. Ta un torneo ku masha hopi hende mes tabata bin wak. Di e manera ei nos a traha. En prinsipio e idea tabata pa Sta. Rosa haña un vèlt pa entrená. Ta hungadó, dirigente, fanátiko, hendenan di bario Boy Obia, Frank Banana, rumannan Mari, Lilin Ersilia, Edi Daou, Chati, Sjon Ma, Hildo Josephina entre otro a pone man pa yuda traha muraya, hinka staka, pega waya, ‘backstop’, ‘fence’ i tur kos. Jozef “Buchi” Martina a pinta e stadion aki. Nos tur tur a yuda, mi no ke lubidá ningun hende.

Dor ku nos a sigui traha i ‘built’e up’ ora FeBeKo a hañ’é den problema ku tereno nan a bin hunga beisbòl AA serka nos. Mi ke enfatisá ku nunka nos idea no tabata pa hunga kampionato ofisial aki nan. Pa e motibu ei ora FeBeKo disidí di bai stadion Johnny Vrutaal na ref nunka no ta i lo no ta problema pasombra e vèlt aki en prinsipio nos a pidié pa Sta. Rosa Indians meskos ku tur otro ekipo ta buska un tereno pa nan entrená ariba” e mènedjer ku a guia e ekipo na e trikampionato na aña 1986, 1987, 1988 a splika Mundu Deportivo. Lus: Ku tempu Victory Boys, Sabana i Tio Daou Bòlpark a pone lus. “Ta trata di tres akomodashon ku lus den Sta. Rosa ku ta wòrdu uza inmensamente hopi” Elhage ta asentuá. Tabata na aña 1996 ku Tio Daou Bòlpark a haña lus. Esei tabata un invershon di 800.000 florin antiano Elhage a duna di konosé. “Aparte ku mester sòru pa e mantenshon tur aña, kada seis shete aña mester baha mast pa un bon man. Tur esaki pa desaroyo di e deporte”. Segun Mundu Deportivo a komprondé tin plannan basta avansá i den futuro serkano e parke di Sta. Rosa White Sox ku tambe ta wòrdu yamá Ricardo Elhage Bòlpark tambe lo konta ku iluminashon.

Situashon aktual i plan di trabou: “Tabata mas pió, algun dia seku ku solo pero ainda e no a seka. Dos, tres dia mas di solo lo kita e loke tin na awa riba e tereno. Despues lo mester di sigur un siman di awa pa e tera por seka i mashin pisá por subi e tereno”. Lipo no ta mira ningun aktividat deportivo pa e próksimo kuater siman riba e tereno. Tin vários trabou ku mester wòrdu hasí”. Pa loke ta e plan di trabou Mundu Deportivo a komprondé ku ta e intenshon pa asina ku por subi e tereno kòrta e yerbanan di manera ku solo por seka e tereno mas lihé. Despues mester yena e tereno i finalmente pone e santu di Sürnam pa hasi di e tereno un parke adekuá pa hunga beisbòl.

Loke a pasa realmente: Segun Elhage mester hasi diferensia entre e situashon promé ku 1 novèmber 2010 i despues di esei. “E áwaseru den luna di sèptèmber i òktober a afektá e tereno pero kulminashon pa loke ta daño ta konsekuensia pa gran parti di e awa ku a kai dia 1 novèmber i despues. Ta un persepshon e asuntu ku awa ta sali for di bou di tera.

Damnan a yena te kibra i e vèlt ku ta mas abou a bira víktima. Awa a sigui kore di forma konstante. Ta te ora ku e awa den e dam baha, konsekuentemente stòp di kore, ta skapa di e awa riba e tereno, e vèlt ta seka i por kuminsá ku trabounan”.

Fence: Lipo a gana e titulo di bateo na aña 1983 ku average di 452 produkto di 33 hit den 73 turno ofisial na bate. Na numeroso okashon el a keda komo number dos den e departamentu di homerun konektá. E hòmber di poder na bate den su époka a splika ku teniendo na kuenta ku bateadonan ta bati ku bientu na nan fabor i e fuerte bientu ku ta supla lo karga e bala bai ku n’e, konsientemente a hasi e distansia di homerun mas largu na momentu ku a pone muraya den outfield. Tabata riba petishon di federashon di beisbòl ku na aña 2010 maneho di e parke a pone ‘fence’ dilanti di e muraya. Federashon a argumentá ku tin muchu poko homerun i ku un distansia mas kòrtiku lo por stimulá e bataso largu i duna mas kolo na e wega.

Yerba i futuro: Lipo a konta ku kasi tur kos tabata kla pa pone yerba na e úniko stadion ku ta wòrdu uza pa beisbòl AA. “Pa motibunan polítiko el a wòrdu bombardiá. Esei a stroba desaroyo di un parke pa hubentut por hasi deporte den dje.

Tabata kasi kla pero no a logra. Mi ta tira falta riba oposishon di e tempu ei ku a bombardiá e proyekto pasombra nan no kier a mir’é pasa promé ku elekshon. Hasta instrukshon tabatin na miembronan den direktiva pa tard’é pa e no keda kla promé ku elekshon. Otronan a sòru pa e no pasa pa envidia polítiko. Mi ta haña ku e Bestuurscollege tambe tin falta pasombra nan mester a pone pia abou i pase. Tur otro kos tabata kla pa pase. E no a pasa anto nos ta den e situashon aki awe. Beisbòl ta grita pa un parke di beisbòl na drechi. Esnan ku a grita, mi ta spera ku nan lo traha un parke pa beisbòl bon, anto e no mester ta na Sta. Rosa. Nos no tin un otro i bo ta bisa no na esaki, esei mi ta haña un lástima” Lipo a splika di forma amplio i kla. ‘Boost’: Pa loke nos beisbòl ta, peloteronan ku nos ta produsí, prospektonan ku nos tin, profeshonalnan ku nos tin nos mester di un parke na drechi meskos ku futbòl tin. Ta trahando un sala multifunshonal na S.D.K, tin dos pisina olímpiko. Tin pista di atletismo. Beisbòl no tin nada. Korto bisa meskos ku e otro deportenan nos tambe mester di un fasilidat na nivel. Si no ta Tio Daou Bòlpark, traha un parke si na drechi pa su peloteronan i fanatikonan. Pa su desaroyo i pa su futuro. Elhage ku bintisinku aña pasa a guia e selekshon di beisbòl na e logro di mas grandi den historia di weganan regional konkistando medaya di plata den weganan Sentro Amerikano i Karibe ta hopi sigur ku un parke ku yerba lo ta un ‘boost’ pa e deporte di wante, bala i bate. “Nos mester di algun ‘booster’ pa lanta e deporte aki atrobe. Nos tin hopi bon pelotero” el a konkluí e kombersashon bisando.

Entrevista Yerba febrüari 2012 WILLEMSTAD— Phillip “Lipo” Elhage di Fundashon Tio Daou Ballpark a deklará ku preparashonnan ta kanando bon i ku ta algun punto i detaye so falta pa por tuma desishon final i ‘stem’e af’ ku Refineria Isla. E último aki a konsiderá e parke di beisbòl na Sta. Rosa poniendo plaka disponibel pa por pone yerba i asina konvertí Tio Daou Ballpark den un berdadero parke di beisbòl. “Di ei nos mester duna e ‘go ahead’ pa por kuminsá”. Parke, infrastruktura i plaka ta importante pero Elhage mas bien a elaborá riba e responsabilidat ku tin ku beisbòl di tin un parke kómodo i den bon estado pa tur hende por hasi deporte. Ora ku duna e ‘go ahead’ lo dura aproksimadamente shete pa ocho siman pa e yerba yega Kòrsou miéntras ku ora kuminsá ku e trabounan ta bini tres pa kuater luna aserka e tesorero di e Fundashon a sigui konta. Kalidat i durabilidat. Pa loke ta e skohensia el a bisa ku ta di sumo importansia pa yega na un yerba di akuerdo ku nos klima. “Mi ta papia di unu ku ta bai 8 pa 10 aña. Kalidat i durabilidat ta e dos elementonan ku nos ta buska pa por hasi e skohensia. Nos ta pidi garantia. Ta trata aki di un invershon di masha hopi plaka pues e mester bai hopi aña. No por ta asina ku despues di tres aña ta bisa eeh eeh, e no ta sirbi mas, ban pone otro. Nos a skohe konsientemente pa esun ku a proba su mes prinsipalmente teniendo na kuenta nos klima” Elhage a splika.

Un bista mas ayá.

Tratando di adelantá loke nos por spera ora e trabounan konkluí Mundu Deportivo a haña e siguiente splikashon: “Loke nos lo haña despues di e trabounan ta un parke ku yerba artifisial bèrdè bèrdè. Un vèlt egaal. Kontrali na loke e ta, na e momentunan aki. Te ku awor e tereno ta baha den ‘leftfield’ pa e awa por kore bai”. Mas aleu el a añadí: “Un parke ku bon drenage riba un ‘leveled playing field’. Un parke ku hopi ‘fair-bounce’. Di ei tur hende por huzga si nan ta hañ’é great òf no. Ta keda na nos pa kuida i proteh’é sperando ku mundu di beisbòl kompletu lo asept’é. Tene na kuenta ku tur skol na Santa Rosa ta hasi uso di e parke pa ‘sport-dag’ i otro aktividatnan. Si te ku awor nan mester a hasi tur kos den tera, den futuro serkano nan lo tin yerba. Loke lo sirbi nan muchu mihó. Si nos kuida hasiendo uso di loke e manual ta bisa, nos lo tin e yerba sigur pa hopi tempu”.

Bon pa bo sa. E parke lo haña su ‘warning-track’. ‘Kiezelsteentjes’ lo sirbi pa yuda outfieldernan ku ora e yerba kaba, seis meter despues nan ta yega muraya. Na e basenan lo bini ‘sliding-boxes’ pues e koredó por ‘slide’ trankil pasombra no tin yerba. ‘batters-bax’ i ‘pichings-mound’ tampoko tin yerba. Lo demas tur kaminda tin yerba inkluso ‘runing-lines’ i teritorio di foul. Lipo a splika ku a opta pa e sistema aki i no esun di yerba-tera-yerba pa brinda mas ‘fair-bounce’ ku ta posibel. Kontrali na rumornan, e ‘home-plate’ lo keda mes kaminda. Dimenshonnan di e parke tambe lo keda meskos. Den pasado resien a hala e ‘fence’ 30 pia mas aden pa yuda i stimulá mas bataso di kuater skina. Mantenshon. E yerba aki no ta eksigí hopi mantenshon. ‘Slidingboxes’, montikulo i ‘batters-box’ mester bùrt tur tur dia, e ‘warning-track’ unu te dos biaha pa siman. Pa loke ta e ‘playing-field’ un biaha pa kada tres siman mester pasa mashin pa hasi tur e santu i rùber den e yerba pareu atrobe.

Prioridat.

Lo no kambia e dug-outnan di nan sitio aktual tampoko nan lo bai bou di tera manera hopi parke di beisbòl. Esaki ta otro gastu miéntras ku dug-outnan kobá ta eksigí hopi mantenshon i na momentu di áwaseru ta hasi tur kos mas kompliká i difísil. Di akuerdo ku Fundashon Tio Daou Ballpark i Refineria Isla e prioridat number unu ta yerba. Mas despues e fundashon ta spera di ‘up-grade’ e sistema di iluminashon ku segun Elhage tambe lo kosta basta plaka. Riba tèrmino mediano lo drecha fasilidat públiko manera baño i e ‘omheining’. Riba tèrmino mas largu ta e intenshon pa hasi algu na lugánan di stashoná outo.

WILLEMSTAD—Tur kos ta kla pa apertura di e di 36 edishon di ‘springtraining’ di beisbòl AA Kòrsou. Manera semper anualmente e organisashon di Sta. Rosa Indians ta organisá e weganan di kalentamentu aki. Tabata ayera nochi den oranan tempran di anochi na restorant Green House ku di forma ofisial a anunsiá ku e torneo e aña aki lo ta dediká na sr. Pascual Pedro Obia. E kompetensia 2012 ta kuminsá dia 24 mart próksimo i lo hunga final dia 10 di aprel. Spònsernan e aña aki lo ta restorant Green House, Fundashon Sedreko, Serbes Budweiser, ENNIA i Girobank. Tur seis ekipo nivel AA lo partisipá. Lo hunga un buèlta di tur ekipo enfrentando otro i e final lo bai entre e dos ekiponan ku finalisá mas haltu riba e tabla di posishon. Lipo Elhage a bisa ku e torneo ta sirbi pa indiká ku beisbòl ta bai kuminsá alabes e ta pone sanger kuminsá kore ku mira riba e kampionato nobo. Mas aleu Elhage a bisa ku e torneo ta duna un indikashon kiko por spera durante aña. Motibu ku e ta spera ku ekiponan lo usa peloteronan ku nan ta pensa ku lo ta parti di nan ekipo AA. “Pa añanan kaba e kompetensia aki ta parti di e beisbòl, su komienso ta motibu pa e ekiponan kuminsá ku preparashon. E aña aki beisbòl ta bai mustra kon e ta kuminsá krese. Ban stimulá fanatikada i hisa e nivel di wega” Elhage a bisa durante su diskurso. E presidente di FeBeKo tambe a hiba palabra.

Sr. Oscar Bolivar a indiká ku e no por imagin’e beisbòl lokal sin e ‘springtraining’ aki. “Ta un oportunidat pa tur hende tira bista riba atkisishonnan nobo i e hóben peloteronan”. Tambe sr. Bolivar tabatin bon palabra pa e sponsornan. E presidente a spanta sala kompletu na momentu ku el a bisa ku esaki lo ta e último kompetensia Tio Daou. Na momentu ku el a finalisá su frase sinembargo el a bisa....riba tera loke tabata motibu di trankilidat i hilaridat. Pa loke ta reglanan ta importante pa informá ku lo no hunga e torneo ku ‘tie-break rule’. Segun presidente di FeBeKo su direktiva ta pendiente pa trese esaki den reunion general.

2012 WILLEMSTAD—Un bon públiko a presensiá e partido final di Torneo Tio Daou 2012. Meskos ku tabata e kaso ku e partido pa duna su ekipo e pasashi pa wega final, manager Farley Girigori a konfia e labor riba montikulo na e veterano Orsendo Clemencia. E picheo intermedio un biaha mas a demostrá flakesa apesar di bentaha amplio ku e picher habridó a laga. Di su banda manager scorpion, Randolph Balentina, a habri ku e hóben Risando Pastor. E kampionnan di aña 2011 a hasi uso di vários picher pero Kevin Hennep ta úniko ku tabatin algu den e bala. Despues ku e ekipo di bishita no a anotá, e indjannan ta subi bòrchi pa medio di un doblete di e di tres bate Marvin Ludowika i hit di Maiky Trinidat 1-0. Royal Scorpions den kabes di ining number dos ta empatá riba kuadrangular di Merieldo “Lem” Trinidat 1-1. Sta. Rosa ta kontesta, kuater base por bola kombiná ku hit di Siebert Leito pa hasi

e skor 3-1. Anotashon ku ta mantené su mes pa e promé mitar di e wega i wòrdu amplia na 41 riba homerun di e kècher Regino Winklaar. Den kabes di ining seis, Royal Scorpions ta rebeldia kontra e promé relevista. Dos hit, dos base roba kombiná ku eror ta produsí dos kareda i kòrta e bentaha na 4-3. Hitnan konsekutivo di Harley Rimon, Siebert Leito, Gavenee Virginie, Marvin Ludowika, Maiky Trinidat, Richene Martina i Regino Winklaar ta pone tres kareda bek riba borchi pa pone e skor na 7-3. Mester destaká un tremendo tiru di e rightfielder scorpion ku a para e rally indjan. Na otro banda den ‘lucky seven’ un outfielder indjan ta laga un flai fásil kai pa hasi e wega 7-4. Bòm di e ining, e eks profeshonal Hayrich Martina ta drenta di emergente konektá tripel pa empuhá kareda number ocho despues e mes ta anotá riba otro hit di Siebert Leito, skor 9-4. E di ocho ining a parse di bira grandi pa Scorpions. Merieldo Trinidat ta risibí base por bola pa inisiá kontra Gavenee Virginie ku a drenta den plan di relevo. Sigui pa hit di Rhiency Emperator, dos out mas lat Quincy Ascencion ta risibí base por bola pa yena base. E ining ta sera sinembargo ku ponche kanta pa Levi Carolus. E shòrt stòp i kapitan di ekipo Marvin Ludowika ta bolbe konektá di hit i Indians ta amplia na 12-4 finalmente Scorpions enkabesá pa doblete di eks profeshonal Ediño Meyer ta pone e skor na 12-7 ku tres kareda den kabes di ining number nuebe. Di e manera aki Sta Rosa Indians ta titulá kampion lagando e titulo di sub-kampion pa Royal Scorpions. Awor ku a kaba ke e pre-temporada no tin indikashon ki dia lo kanta playball pa temporada kuminsá. Mundu Deportivo tin informashon verídiko ku di forma simultáneo na e partido di ayera a tuma logá un reunion ku vários ekipo

di FEBEKO. Tin indikashon ku relato finansiero ta kla, ku ‘all star game’ Liga Hubenil lo no tuma logá mas e fin di siman aki i ku kampionato AA lo no start den e promé siman di luna di mei. For di e reunion tin un silensio hermetiko. Tur hende ta bisa ku FEBEKO lo komuniká di forma ofisial.

2012 Por spera hopi homerun e aña aki. Rekòrt di homerun (15) konektá den Pre temporada Tio Daou 2012. WILLEMSTAD--Si torneo Tio Daou 2012 ta un indikashon di kiko por spera pa e kampionato benidero nos por pensa riba hopi bataso di kuater skina. Un kantidat rekort di diestres kuadrangular a wòrdu konektá den e parti klasifikatorio ku a konta ku diesinku partido. Entretantu Sta. Rosa Indians a titulá kampion i Royal Scorpions subkampion. Momentu pa analisá sperando ki dia kampionato mes lo kuminsa.

E parke di Sta. Rosa, Tio Daou Ballpark, no ta eksaktamente un parke konosi pa homerun. Anke Federashon mes no por a bisa kuantu ta e repartishon pa loke ta homerunnan konektá na e dos parkenan kaminda ta hunga beisbòl AA, ta un hecho ku na momentu ku mes tantu wega ta keda hunga na ambos parke Stadion Johnny Vrutaal ta tuma mas homerun. Picheo i homerunnan aseptá na 2011. Anke e lista ofisial di federashon di beisbòl ta indiká ku 25 homerun a wòrdu konektá, e mesun lista ta hasi menshon di 27 homerun risibí dor di pichernan durante temporada regular 2011. Ta apénas un kuadrangular a wòrdu konektá kontra pichernan refuerzo/estranhero durante temporada regular 2011. Orsendo Clemencia ta enkabesá e lista di FEBEKO ku tres homerun risibi sigui pa Rydell Isabella, Rudely Manuel, Angelo Bito, Adelbert Martha, Andley Simmons tur ku dos bataso di kuater skina aseptá miéntras ku Evanon Martis, Kim Van Lieren, Gillord Kirnon, Sidney Antonia, Carol Servania, Christopher Petronilia, Gershwin Celestina, Miguel Martina, Dimitri Ogenia, Shurendy Mariano, Sherwene Antersijn, Enty Lourens, Gavenee Virginie i e refuerzo Raul Ruiz tur a duna un homerun.

Homerunnan na 2011 i 2012. Den un total di 4870 ‘plate appearances’ bon pa 4117 turno ofisial na bate e batiadonan a konektá 25 homerun na aña 2011. Den loke nos ta konsidera nos ‘springtraining’ un kantidat di 13 homerun a keda konektá. Rogean Cleofa i Ardley Jansen lider e departamento aki ku dos, kad a unu. Sigui pa Danny Walle i Richene Martina di Sta Rosa, Jair Josepha ku su equipo nobo Sta. Maria Pirates, Levi Carolus i Ryan Ilario di Scorpions, Dave i su ruman, Randy Kirindongo Wild Cats, Curtney Doran Sta. Maria, Humphrey Simon di Groot Kwartier Stars. Pa hisa e sifra final na 15 Merieldo Trinidat i Regino Winklaar tambe a konektá batasonan over di fence den e partido final. Punto di atenshon ta ku sigur kuater bataso a dal direkt den muraya òf ‘fence’ durante e weganan di pre-temporada. Loke solamente ta sirbi pa hasi e situashon mas di atenshon.

Elemento i faktornan. Tin vários faktor ku a kontribuí na e rekòrt aki. Kalidat di e balanan ku ta wòrdu uza den nos beisbol ta un di e proménan pa bini na diskushon. Klaro ku e bientu di kuaresma kombiná ku e hecho ku mayoria picher ainda no ta kompletamente den forma, a hunga un ròl. Tambe por agregá ku di 2006 pa aworakí ta seis aña pues nèt sufisiente tempu pa e batiadonan a kustumbrá ku e bate palu i saka bentaha di e fence den leftfield na T.D.B.P ku último añanan hasta a wòrdu hala 30 pia mas aden.

Mirá for di otro punto di bista, tur e honroneronan 2012 ta batiadonan ku bou di situashon i kondishon normal tambe tin e kualidatnan pa konektá di homerun den parkenan ku nos a hunga temporada 2010 i 2011. No mester pèrdè for di bista ku 8 di e 13 homerunnan a wòrdu konektá pa eks profeshonalnan. Djaluna 28 yüli 2014 ta keda komo un dia históriko pa e hóbennan Moesker i Beaumont. Riba e dia aki lansando pa Wild Cats kontra e ekipo di Sta. Rosa nan a kombiná pa tira un partido sin hit ni kareda. prestashon ku mesora ta laga Jerrison Beaumont i Richard Moesker komo e duo di mas hóben pa tira un no hitter kombiná. Jerrison a habri landando 6 ining enfrentando 19 batiado di kual el a bolea 3. Seguidamente Richard jr. Ñetu di Richard “Sha” Moesker a tuma e bala lansando e último tersio di wega. E ganado a enfrentá 9 i poncha 5. Hit empuhado di Raysheron Michel den di ocho finalmente a resultá den e úniko kareda di e enkuentro. Pa e pèrdèdónan Ramses Jamanika a tira ocho ining i un tersio ku relevo di Mark Hennep. Cats a bati 5 inkohibel. Playoff final 2017 tabata memorabel ku un parti zut i un parti zur. Primeramente agentenan polisial mester a akudí na e parke pa evitá i saka un pelotero for di tereno. Esaki riba petishon di FEBEKO i umpirenan. E pelotero aki, di Sta Maria Pirates tabata e figura sentral di e playoff 2017. Ku umpirenan kende no kier a umpaya ku n’e den wega, ku su ekipo aplikando regla un manera, FEBEKO aplikando regla na nan manera pues un tutu kompletu.

Un momentu grandi, spesial....... you name it.... na 2017 e yu di Kòrsou, mihó relevista di MLB Liga Nacional 2017, Kenley Jansen di Dodgers di Los Angeles ta sali i bishita e picher di Wild Cats riba montikulo. Playoff final. Jansen ta sponsor di e ekipo. Pero a wòrdu subi riba lista pa enkargá su mes ku e trabou di piching-coach. Sta Maria Pirates no a keda kontentu, prueba di esei ta ku un protesta a wòrdu hasi pa presensia di KJ. Di tur manera un momentu, pa historia. Konkluyendo Elhage a bisa di ta spera i ta sigur ku Mundu di Deporte lo hasi bon uso di e parke tantu pa beisbòl komo tambe e organisashonnan den bisindario. E ta spera uso intensivo di e fasilidat deportivo despues di e remodelashon. “Di mi parti un danki na Refineria Isla ku e donashon. Muy spesialmente Kenneth Gijsbertha, hòmber di beisbòl, kende a sabi di skohe pa komunidat i deporte riba tur kos. Mi ta spera ku den futuro nos lo sigui haña mas di e proyektonan aki pa desaroyo di nos komodidat.

Before

After